| ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠲᠡᠷᠭᠡ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠡᠳᠤᠢ ᠲᠡᠳᠤᠢ ᠴᠡᠭᠡᠷ ᠪᠠᠶᠢᠳᠠᠭ᠃ ᠲᠤᠬᠠᠶᠢᠯᠠᠪᠠᠯ᠂ ᠲᠡᠷᠭᠡᠨ ᠤ ᠪᠤᠭᠤᠯᠠᠭᠠ ᠪᠤᠷᠭᠤᠯᠵᠢ | ᠳᠡᠭᠡᠭᠦᠷ ᠠᠯᠬᠤᠨ ᠭᠠᠷᠬᠤ ᠪᠠ ᠲᠡᠭᠦᠨ ᠢ ᠠᠯᠠᠮᠯᠠᠨ ᠵᠤᠭᠰᠤᠬᠤ᠂ ᠲᠡᠷᠭᠡᠨ ᠤ ᠪᠤᠯᠤ ᠶᠢ ᠦᠷᠦᠭᠡᠰᠦᠨ ᠬᠦᠯ ᠢᠶᠠᠷ ᠢᠶᠠᠨ ᠲᠦᠷᠦᠭᠡᠯᠡᠨ ᠵᠤᠭᠰᠤᠬᠤ ᠶᠢ ᠴᠡᠭᠡᠷᠯᠡᠲᠡᠭ᠃ | ᠵᠢᠷᠮᠦᠰᠦᠨ ᠡᠮᠡᠭᠲᠡᠢ ᠬᠦᠮᠦᠨ ᠵᠦᠯᠡᠭᠡ ᠲᠦᠯᠡᠬᠦ ᠶᠢ ᠴᠡᠭᠡᠷᠯᠡᠲᠡᠭ᠃ ᠲᠡᠷᠭᠡ ᠶᠢ ᠭᠡᠷ ᠤᠨ ᠡᠭᠦᠳᠡᠨ ᠤ ᠡᠰᠡᠷᠬᠦ ᠬᠠᠨᠳᠤᠭᠤᠯᠵᠤ ᠪᠠᠭᠤᠯᠭᠠᠬᠤ ᠪᠠ ᠡᠭᠦᠳᠡᠨ ᠤ ᠡᠮᠦᠨᠡ | ᠬᠦᠨᠳᠡᠯᠡᠨ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠲᠡᠭ᠃ ᠠᠶᠠᠨ ᠤ ᠲᠡᠷᠭᠡ ᠪᠠᠷ ᠠᠶᠠᠨ ᠤ ᠪᠠᠭᠤᠳᠠᠯ ᠳᠠᠬᠢ ᠲᠤᠯᠭᠠ ᠴᠢᠯᠠᠭᠤ ᠪᠠ ᠵᠤᠤᠬᠠ ᠪᠠᠨ ᠲᠠᠭᠠᠷᠢᠭᠤᠯᠬᠤ ᠶᠢ ᠴᠡᠭᠡᠷᠯᠡᠲᠡᠭ᠃ | ᠠᠶᠠᠨ ᠤ ᠬᠦᠮᠦᠰ ︽ᠤᠨᠤᠭᠠ ᠭᠡᠮᠨᠡᠬᠦ︾᠂ ︽ᠲᠡᠷᠭᠡ ᠡᠪᠳᠡᠷᠡᠬᠦ︾᠂ ︽ᠠᠶᠠᠨ ᠰᠠᠭᠠᠭᠳᠠᠬᠤ︾ ᠭᠡᠬᠦ ᠮᠡᠲᠦ ᠪᠡᠯᠭᠡ ᠮᠠᠭᠤᠲᠠᠢ ᠦᠭᠡ ᠨᠦᠭᠦᠳ ᠢ ᠴᠡᠭᠡᠷᠯᠡᠵᠦ ︽ | ᠰᠢᠯᠲᠠᠭ ᠪᠤᠯᠬᠤ︾᠂ ︽ᠲᠡᠷᠭᠡ ᠶᠠᠳᠠᠬᠤ︾᠂ ︽ᠤᠵᠢᠭᠳᠠᠬᠤ︾ ᠭᠡᠵᠦ ᠬᠡᠯᠡᠳᠡᠭ᠃ ᠵᠠᠷᠢᠮ ᠨᠤᠲᠤᠭ ᠲᠤ ᠪᠠᠰᠡ ᠲᠡᠷᠭᠡᠨ ᠤ ᠬᠦᠷᠳᠦᠨ ᠠᠴᠠ ᠤᠨᠤᠭᠠ ᠮᠠᠯ | ᠤᠶᠠᠬᠤ ᠪᠠ ᠲᠡᠷᠭᠡᠨ ᠤ ᠠᠷᠠᠯ ᠬᠦᠷᠳᠦ ᠤᠷᠤᠭᠤ ᠰᠢᠭᠡᠬᠦ ᠶᠢ ᠴᠡᠭᠡᠷᠯᠡᠲᠡᠭ᠃ ᠲᠡᠷᠭᠡ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ ᠶᠠᠪᠤᠴᠠ ᠳᠤ ᠪᠠᠰᠡ ᠲᠡᠷᠭᠡ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠵᠠᠷᠢᠮ | ᠵᠠᠩ ᠦᠢᠯᠡ ᠪᠤᠢ ᠪᠤᠯᠵᠠᠢ᠃ ᠠᠶᠠᠨ ᠤ ᠲᠡᠷᠭᠡ ᠮᠤᠷᠲᠠᠬᠤ ᠳᠤ ᠪᠤᠯ ᠬᠦᠵᠢ᠂ ᠠᠷᠴᠠ ᠠᠰᠠᠭᠠᠵᠤ ᠠᠶᠠᠨ ᠤ ᠲᠡᠷᠭᠡ ᠪᠠᠨ ᠠᠷᠢᠭᠤᠯᠠᠬᠤ ᠪᠦᠭᠡᠳ ᠰᠠᠩ ᠲᠠᠯᠪᠢᠵᠦ | ᠲᠡᠷᠭᠡ ᠪᠠᠨ ᠡᠷᠭᠢᠭᠦᠯᠵᠦ ᠠᠷᠢᠭᠤᠯᠠᠳᠠᠭ ᠨᠢ ᠴᠦ ᠪᠤᠢ᠃ ᠠᠶᠠᠨ ᠤ ᠲᠡᠷᠭᠡ ᠬᠦᠳᠦᠯᠦᠨ ᠭᠠᠷᠬᠤ ᠳᠤ ᠭᠡᠷ ᠲᠤ ᠬᠤᠴᠤᠷᠠᠭᠰᠠᠳ ᠨᠢ ᠠᠷᠤ ᠬᠤᠶᠢᠨᠠ ᠠᠴᠠ ᠨᠢ | ᠰᠦ ᠪᠠᠨ ᠡᠷᠭᠦᠨ ᠰᠠᠴᠤᠯᠢ ᠰᠠᠴᠤᠵᠤ ᠪᠡᠯᠭᠡᠲᠡᠢ ᠰᠠᠶᠢᠬᠠᠨ ᠢᠷᠤᠭᠡᠯ ᠬᠡᠯᠡᠳᠡᠭ᠃ ᠠᠶᠠᠨ ᠤ ᠲᠡᠷᠭᠡ ᠬᠦᠳᠦᠯᠦᠨ ᠶᠠᠪᠤᠭᠰᠠᠳ ᠨᠢ ᠦᠨᠳᠦᠷ ᠲᠤᠮᠤ ᠳᠠᠪᠠᠭᠠᠨ ᠤ | ᠬᠦᠲᠦᠯ ᠳᠡᠭᠡᠷᠡ ᠪᠤᠰᠬᠠᠭᠰᠠᠨ ᠤᠪᠤᠭᠠᠨ ᠤ ᠲᠡᠷᠭᠡᠳᠡᠭᠦᠷ ᠦᠩᠭᠡᠷᠡᠪᠡᠯ ᠲᠡᠭᠦᠨ ᠤ ᠲᠡᠭᠡᠷᠡ ᠵᠠᠪᠠᠯ ᠴᠢᠯᠠᠭᠤ ᠨᠡᠮᠡᠵᠦ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠢᠶᠠᠨ ︽ᠴᠠᠭᠠᠨ ᠪᠠᠯᠢᠩ︾ | ᠡᠷᠭᠦᠳᠡᠭ ᠪᠦᠭᠡᠳ ᠶᠡᠭᠡ ᠰᠢᠭ ᠭᠤᠤᠯ ᠮᠦᠷᠡᠨ ᠢ ᠭᠠᠲᠤᠯᠬᠤ ᠳᠤ ᠴᠦ ᠤᠷᠢᠳ ᠢᠶᠠᠷ ᠲᠡᠷᠭᠡ ᠪᠠᠨ ᠵᠤᠭᠰᠤᠭᠠᠵᠤ ᠯᠤᠤᠰ ᠰᠠᠪᠳᠠᠭ ᠲᠤ ᠨᠢ ᠳᠡᠭᠡᠵᠢ ᠰᠡᠷᠵᠢᠮ | ᠡᠷᠭᠦᠳᠡᠭ᠃ | ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠳᠤ ᠵᠠᠷᠢᠮ ᠨᠤᠲᠤᠭ ᠬᠢᠨ ᠪᠤᠯ ᠬᠠᠭᠤᠴᠢᠨ ᠵᠢᠯ ᠤᠨ ᠪᠢᠳᠡᠭᠦᠨ ᠳᠤ ᠲᠡᠷᠭᠡ ᠪᠠᠨ ᠡᠮᠬᠢ ᠴᠡᠭᠴᠡ ᠲᠠᠢ ᠨᠠᠶᠢᠷᠠᠵᠤ ᠲᠠᠯᠪᠢᠭᠠᠳ | ᠳᠡᠭᠡᠰᠦᠨ ᠡᠳ᠋ᠯᠡᠯ ᠵᠡᠷᠭᠡ ᠶᠢ ᠨᠢ ᠰᠠᠶᠢᠬᠠᠨ ᠡᠪᠬᠡᠵᠦ ᠤᠷᠢᠶᠠᠵᠤ ᠬᠤᠷᠢᠶᠠᠭᠰᠠᠨ ᠤ ᠳᠠᠷᠠᠭᠠ ᠲᠡᠷᠭᠡ ᠪᠦᠷᠢ ᠶᠢᠨ ᠳᠡᠭᠡᠷᠡ ᠨᠢᠭᠡ ᠬᠡᠰᠡᠭ ᠮᠦᠰᠦ ᠲᠠᠯᠪᠢᠵᠦ ᠲᠡᠷᠭᠡ ᠪᠠᠨ | ᠳᠠᠬᠢᠨ ᠠᠮᠠᠷᠠᠭᠤᠯᠳᠠᠭ᠃ ᠢᠩᠭᠢᠵᠦ ᠳᠡᠬᠢᠵᠦ ᠠᠮᠠᠷᠠᠭᠤᠯᠤᠭᠰᠠᠨ ᠲᠡᠷᠭᠡ ᠶᠢ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠵᠢᠷᠭᠤᠭᠠᠨ ᠪᠤᠶᠤ ᠨᠠᠢᠮᠠᠨ ᠬᠦᠷᠲᠡᠯᠡ ︵ᠵᠠᠷᠢᠮ ᠨᠢ | ᠪᠤᠷᠬᠠᠨ ᠲᠠᠪᠠᠯᠯᠠᠳᠡᠭ ᠠᠷᠪᠠᠨ ᠵᠢᠷᠭᠤᠭᠠᠨ ᠬᠦᠷᠲᠡᠯᠡ︶ ᠶᠡᠷᠦ ᠬᠦᠳᠡᠯᠭᠡᠳᠡᠭ ᠦᠭᠡᠢ᠃ ᠪᠠᠰᠡ ᠵᠠᠷᠢᠮ ᠨᠤᠲᠤᠭ ᠲᠤ ᠪᠤᠯ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡᠳ ᠤᠨ | ᠲᠤᠭᠲᠠᠭᠰᠠᠨ ᠨᠢᠭᠡᠨ ᠡᠳᠦᠷ ᠲᠡᠷᠭᠡ ᠳᠡᠭᠡᠷᠡ ᠪᠠᠨ ᠳᠦᠭᠦᠷᠡᠩ ᠮᠦᠰᠦ ᠲᠡᠭᠡᠭᠡᠵᠦ᠂ ᠤᠯᠠᠭᠠᠨ ᠴᠠᠭᠠᠨ ᠢᠳᠡᠭᠡᠨ ᠤ ᠲᠠᠬᠢᠯᠭᠠ ᠲᠠᠯᠪᠢᠨ᠂ ᠬᠦᠵᠢ ᠠᠷᠴᠠ ᠶᠢᠨ ᠰᠠᠩ | ᠤᠩᠭᠤᠰᠬᠠᠨ ᠲᠡᠷᠭᠡ ᠪᠠᠨ ᠲᠡᠬᠢᠬᠤ ᠪᠦᠭᠡᠳ ᠲᠡᠷᠭᠡᠨ ᠤ ᠡᠵᠡᠨ ᠨᠢ ᠭᠠᠷ ᠤᠨ ᠲᠡᠷᠭᠡ ᠪᠠᠨ ᠬᠦᠯᠵᠦ ᠳᠡᠭᠡᠷᠡ ᠨᠢ ᠤᠯᠪᠤᠭ ᠲᠡᠪᠢᠰᠭᠡᠷ ᠳᠡᠪᠢᠰᠦᠨ ᠬᠡᠯᠬᠢᠶᠡᠲᠡᠢ | ᠭᠠᠤᠯᠢᠨ ᠵᠤᠭᠤᠰ᠂ ᠤᠯᠠᠭᠠᠨ ᠴᠠᠭᠠᠨ ᠢᠳᠡᠭᠡᠨ᠂ ᠵᠢᠮᠢᠰ ᠪᠤᠭᠤᠷᠰᠤᠭ ᠵᠡᠷᠭᠡ ᠶᠢ ᠲᠡᠭᠡᠭᠡᠵᠦ ᠦᠪᠡᠷ ᠤᠨ ᠬᠡᠰᠢᠭ ᠵᠦᠭ ᠲᠤ ᠪᠠᠨ ᠬᠦᠳᠡᠯᠦᠨ ᠭᠠᠷᠴᠦ ᠬᠠᠭᠠᠰ | ᠭᠠᠵᠠᠷ ᠤᠷᠴᠢᠮ ᠵᠠᠶᠢᠲᠠᠢ ᠶᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠲᠡᠭᠷᠢ᠂ ᠭᠠᠵᠠᠷ᠂ ᠯᠤᠤᠰ ᠵᠡᠷᠭᠡ ᠶᠢ ᠲᠡᠬᠢᠬᠤ ᠶᠤᠰᠤᠯᠠᠯ ᠢ ᠭᠦᠢᠴᠡᠳᠭᠡᠭᠡᠳ ᠨᠠᠷᠠᠨ ᠵᠦᠪ ᠢᠶᠠᠷ ᠨᠢᠭᠡ | ᠲᠤᠭᠤᠷᠢᠭᠠᠳ ᠭᠡᠷ ᠲᠤ ᠪᠠᠨ ᠪᠤᠴᠠᠨ ᠢᠷᠡᠳᠡᠭ᠂ ᠡᠭᠦᠨ ᠢ ᠵᠦᠭ ᠭᠠᠷᠭᠠᠬᠤ ᠭᠡᠳᠡᠭ᠃ ᠵᠦᠭ ᠭᠠᠷᠭᠠᠳᠠᠭ ᠨᠢ ᠲᠡᠷᠡ ᠲᠡᠷᠭᠡᠨ ᠤ ᠡᠵᠡᠨ ᠰᠢᠨᠡ ᠨᠢᠭᠡᠨ ᠵᠢᠯ ᠳᠤ | ᠡᠰᠡᠨ ᠮᠡᠨᠳᠦ᠂ ᠤᠯᠵᠠ ᠤᠮᠤᠭ ᠲᠠᠢ ᠶᠠᠪᠤᠬᠤ ᠶᠢ ᠪᠡᠯᠭᠡᠳᠡᠭᠰᠡᠨ ᠤᠴᠢᠷ ᠤᠳᠬᠠ ᠲᠠᠢ᠃ | |