| ᠬᠡᠦᠬᠡᠳ ᠠᠷᠢᠬᠢ ᠤᠤᠭᠤᠵᠤ ᠲᠠᠮᠠᠬᠢ ᠲᠠᠲᠠᠵᠤ ᠪᠣᠯᠬᠤ ᠦᠭᠡᠢ᠂ | ᠡᠯᠳᠡᠪ ᠪᠣᠯᠬᠢ ᠪᠦᠳᠥᠭᠦᠯᠢᠭ ᠦᠭᠡ ᠪᠠᠷ ᠬᠥᠮᠥᠨ ᠢ ᠬᠠᠷᠢᠶᠠᠵᠤ ᠪᠣᠯᠬᠤ ᠦᠭᠡᠢ᠂ | ᠬᠥᠮᠥᠨ ᠤ ᠶᠠᠭᠤᠮᠠ ᠶᠢ ᠳᠤᠷᠠ ᠪᠠᠷ ᠠᠪᠴᠤ ᠪᠣᠯᠳᠠᠭ ᠦᠭᠡᠢ᠂ | ᠬᠤᠳᠠᠯ ᠦᠭᠡ ᠬᠡᠯᠡᠬᠦ ᠪᠤᠶᠤ ᠦᠢᠯᠡ ᠬᠡᠷᠡᠭ ᠬᠢᠬᠦ ᠶᠢ ᠲᠠᠰᠤ ᠴᠡᠭᠡᠷᠯᠡᠳᠡᠭ᠃ | ᠶᠡᠬᠡᠴᠦᠳ ᠲᠠᠢ ᠨᠢᠭᠡᠨ ᠦᠶᠡ ᠶᠢᠨ ᠬᠥᠮᠥᠰ ᠢ ᠠᠪᠠᠭᠠ᠂ ᠨᠠᠭᠠ᠂ ᠠᠶᠢᠯ ᠤᠨ ᠠᠪᠤ᠂ ᠡᠵᠢ᠂ ᠡᠮᠡᠭᠡ ᠡᠪᠦᠭᠡ ᠭᠡᠵᠦ ᠬᠦᠨᠳᠥᠳᠬᠡᠨ ᠳᠠᠭᠤᠳᠠᠬᠤ ᠠᠴᠠ | ᠪᠢᠰᠢ ᠬᠠᠷᠢᠨ ᠨᠡᠷᠡ ᠪᠠᠷ ᠨᠢ ᠳᠠᠭᠤᠳᠠᠵᠤ ᠪᠣᠯᠬᠤ ᠦᠭᠡᠢ᠃ | ᠠᠬᠠ ᠡᠭᠡᠴᠢ ᠲᠠᠢ ᠨᠢᠭᠡ ᠦᠶᠡ ᠶᠢᠨ ᠬᠢᠨ ᠢ ᠠᠶᠢᠯ ᠤᠨ ᠠᠬᠠ ᠡᠭᠡᠴᠢ ᠬᠡᠮᠡᠨ ᠳᠠᠭᠤᠳᠠᠵᠤ᠂ ᠳᠡᠭᠦᠦ ᠨᠠᠷ ᠬᠡᠦᠬᠡᠳ ᠢ ᠳᠡᠭᠦᠦ ᠬᠡᠮᠡᠨ ᠳᠠᠭᠤᠳᠠᠵᠤ | ᠳᠣᠲᠣᠨᠣᠴᠢᠯᠠᠵᠤ ᠪᠠᠶᠢᠳᠠᠭ᠃ | ᠬᠡᠦᠬᠡᠳ ᠬᠠᠶᠢᠴᠢ ᠬᠢᠲᠤᠭᠠ ᠮᠡᠲᠦ ᠶᠢᠨ ᠢᠷ ᠲᠠᠢ ᠮᠡᠰᠡ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢᠶᠠᠷ ᠨᠠᠭᠠᠳᠴᠤ ᠪᠣᠯᠬᠤ ᠦᠭᠡᠢ᠂ ᠨᠡᠩ ᠴᠤ ᠡᠳᠡᠭᠡᠷ ᠶᠠᠭᠤᠮᠠ ᠶᠢ ᠬᠥᠮᠥᠨ ᠤ | ᠵᠦᠭ ᠬᠠᠨᠳᠤᠭᠤᠯᠬᠤ ᠪᠤᠶᠤ ᠠᠮᠠᠨ ᠳᠠᠭᠠᠨ ᠵᠠᠭᠤᠵᠤ ᠪᠣᠯᠬᠤ ᠦᠭᠡᠢ᠃ | ᠡᠭᠦᠳᠡᠨ ᠤ ᠪᠤᠷᠤᠭᠤ ᠲᠠᠯᠠ ᠪᠠᠷ ᠣᠷᠣᠵᠤ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠂ ᠭᠠᠯ ᠤᠰᠤ ᠪᠠᠷ ᠨᠠᠭᠠᠳᠴᠤ ᠪᠣᠯᠬᠤ ᠦᠭᠡᠢ᠂ ᠪᠤᠰᠤᠳ ᠤᠨ ᠮᠠᠯᠠᠭᠠᠢ | ᠬᠤᠪᠴᠠᠰᠤᠨ ᠤ ᠳᠡᠭᠡᠭᠦᠷ ᠠᠯᠬᠤᠵᠤ ᠪᠣᠯᠳᠠᠭ ᠦᠭᠡᠢ᠃ | ᠪᠤᠳᠠᠭᠠ ᠢᠳᠡᠬᠦ ᠳᠡᠭᠡᠨ ᠠᠶᠠᠭᠠ ᠰᠢᠨᠠᠭᠠ ᠪᠠᠨ ᠴᠣᠬᠢᠵᠤ ᠪᠠᠯᠪᠠᠵᠤ ᠪᠣᠯᠬᠤ ᠦᠭᠡᠢ᠃ | ᠲᠤᠮᠤᠴᠤᠤᠯ ᠤᠨ ᠶᠠᠷᠢᠶᠠᠨ ᠤ ᠳᠤᠮᠳᠠ ᠣᠷᠣᠵᠤ ᠪᠣᠯᠬᠤ ᠦᠭᠡᠢ᠃ | ᠬᠡᠦᠬᠡᠳ ᠬᠤᠷᠣᠬᠠᠢ ᠰᠢᠪᠠᠵᠢ ᠪᠣᠯᠵᠣᠮᠣᠷ ᠢ ᠠᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠭᠡᠷ ᠲᠤ ᠢᠰᠭᠡᠷᠴᠦ ᠪᠣᠯᠬᠤ ᠦᠭᠡᠢ᠂ ᠡᠷᠲᠡ ᠪᠣᠰᠤᠮᠠᠭᠴᠠ ᠣᠷᠣᠨ ᠳᠤᠲᠦᠷᠠ | ᠳᠠᠭᠤᠤ ᠠᠶᠠᠯᠬᠤ ᠪᠠ ᠦᠳᠡᠰᠢ ᠤᠨᠲᠠᠬᠤ ᠳᠤ ᠪᠠᠨ ᠳᠠᠭᠤᠤ ᠠᠶᠠᠯᠵᠤ ᠪᠣᠯᠬᠤ ᠦᠭᠡᠢ ᠭᠡᠳᠡᠭ᠃ | ᠬᠡᠦᠬᠡᠳ ᠢ ᠡᠨᠡ ᠮᠡᠲᠦ ᠪᠤᠶᠢᠵᠢᠯᠲᠠ ᠶᠢᠨ ᠪᠠᠶᠢᠳᠠᠯ ᠤᠨ ᠦᠶᠡ ᠬᠤᠭᠤᠴᠠᠭᠠ ᠬᠤᠪᠢᠶᠠᠨ ᠭᠡᠷ ᠤᠨ ᠰᠤᠷᠭᠠᠯ ᠢᠶᠠᠷ ᠬᠥᠮᠥᠵᠢᠭᠦᠯᠵᠦ 16 — 17 ᠨᠠᠰᠤ | ᠬᠦᠷᠪᠡᠯ ᠬᠥᠪᠡᠭᠦᠨ ᠢᠨᠦ ᠪᠡᠷᠢ ᠠᠪᠴᠤ ᠡᠭᠦᠳᠡ ᠡᠷᠦᠬᠡ ᠵᠢᠵᠢ ᠵᠠᠯᠭᠠᠮᠵᠢᠯᠠᠵᠤ ᠥᠬᠢᠨ ᠢᠨᠦ ᠬᠥᠮᠥᠨ ᠤ ᠡᠭᠦᠳᠡᠨ ᠳᠤ ᠮᠣᠷᠳᠠᠵᠤ ᠭᠡᠷ ᠭᠤᠯᠣᠮᠲᠠ ᠶᠢ ᠨᠢ ᠰᠡᠷᠭᠦᠬᠡᠨ | ᠶᠠᠪᠤᠬᠤ ᠶᠢᠷᠲᠢᠨᠴᠦ ᠶᠢᠨ ᠶᠣᠰᠣᠨ ᠢ ᠳᠠᠭᠠᠨᠠ᠃ | ᠡᠨᠡ ᠦᠶᠡ ᠳᠤ ︽ᠭᠠᠷ ᠢ ᠨᠢ ᠬᠠᠨᠵᠤᠭᠠᠨ ᠳᠤ ᠬᠦᠷᠭᠡᠵᠦ᠂ ᠬᠦᠯ ᠢ ᠨᠢ ᠲᠦᠷᠦᠭᠡᠨ ᠳᠤ ᠬᠦᠷᠭᠡᠯᠡ︾ ᠭᠡᠵᠦ ᠶᠠᠷᠢᠳᠠᠭ ᠰᠠᠨ᠃ |