| ᠰᠦᠨᠢᠳ ᠮᠣᠩᠭᠤᠯᠴᠤᠳ ᠤᠨ ᠬᠤᠪᠴᠠᠰᠤ ᠬᠤᠨᠠᠷ ᠲᠤ ᠮᠠᠰᠢ ᠣᠯᠠᠨ ᠴᠡᠭᠡᠷ ᠶᠣᠰᠤᠨ ᠪᠠᠶᠢᠳᠠᠭ᠃ ᠮᠠᠯᠠᠭᠠᠢ ᠶᠢ ᠶᠡᠭᠡ ᠡᠷᠬᠢᠮᠯᠡᠨ ᠬᠦᠨᠳᠦᠯᠡᠵᠦ ᠬᠠᠮᠢᠶᠠ | ᠦᠭᠡᠢ ᠭᠠᠵᠠᠷ ᠲᠠᠯᠪᠢᠬᠤ ᠦᠭᠡᠢ᠃ ᠮᠠᠯᠠᠭᠠᠢ ᠳᠡᠭᠡᠭᠦᠷ ᠠᠯᠬᠤᠨ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠃ ᠮᠠᠯᠠᠭᠠᠢ ᠶᠢ ᠳᠡᠭᠡᠭᠰᠢ ᠪᠠᠨ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ᠂ | ᠡᠪᠡᠳᠴᠢᠨ ᠤᠳᠠᠨᠠ ᠭᠡᠵᠦ ᠴᠡᠭᠡᠷᠯᠡᠨᠡ᠃ ᠬᠤᠭᠤᠷᠤᠨᠳᠤ ᠪᠠᠨ ᠮᠠᠯᠠᠭᠠᠢ ᠰᠣᠯᠢᠵᠤ ᠡᠮᠦᠰᠬᠦ ᠦᠭᠡᠢ᠂ ᠬᠡᠷᠪᠡ ᠰᠣᠯᠢᠵᠤ ᠡᠮᠦᠰᠬᠦ ᠤᠴᠢᠷ ᠭᠠᠷᠪᠠᠯ ᠵᠠᠪᠠᠯ ᠮᠠᠯᠠᠭᠠᠢ ᠳᠤ | ᠨᠣᠯᠮᠤᠵᠤ ᠡᠮᠦᠰᠬᠦ ᠶᠣᠰᠤᠲᠠᠢ᠃ ᠮᠠᠯᠠᠭᠠᠢ ᠶᠢ ᠬᠦᠮᠦᠨ ᠳᠤ ᠪᠡᠯᠡᠭ ᠲᠤ ᠦᠭᠳᠡᠭ ᠦᠭᠡᠢ᠃ ᠳᠤᠷᠤᠭᠰᠢ ᠬᠠᠷᠠᠭᠰᠠᠨ ᠰᠠᠪᠠ ᠭᠡᠵᠦ ᠴᠡᠭᠡᠷᠯᠡᠨᠡ᠃ | ᠳᠡᠪᠡᠯ ᠬᠤᠪᠴᠠᠰᠤᠨ ᠤ ᠵᠠᠬᠠ ᠶᠢ ᠶᠡᠬᠡᠲᠡ ᠬᠦᠨᠳᠦᠯᠡᠨ ︽ᠬᠦᠮᠦᠨ ᠳᠤ ᠠᠬᠠ ᠲᠠᠢ᠂ ᠳᠡᠪᠡᠯ ᠳᠤ ᠵᠠᠬᠠ ᠲᠠᠢ︾ ᠭᠡᠵᠦ ᠬᠡᠯᠡᠳᠡᠭ᠃ ᠳᠡᠪᠡᠯ ᠬᠤᠪᠴᠠᠰᠤ | ᠬᠤᠷᠢᠶᠠᠬᠤ ᠳᠠᠭᠠᠨ ᠵᠠᠬᠠ ᠶᠢ ᠨᠢ ᠵᠠᠪᠠᠯ ᠬᠤᠶᠢᠰᠢ ᠬᠠᠨᠳᠤᠭᠤᠯᠤᠨ ᠬᠤᠷᠢᠶᠠᠨᠠ᠃ ᠤᠷᠤᠭᠰᠢ ᠬᠠᠨᠳᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠤᠷᠮᠤᠢ ᠶᠢ | ᠰᠢᠭᠤᠵᠤ ᠠᠶᠢᠯ ᠳᠤ ᠣᠷᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠠᠬᠠᠮᠠᠳ ᠨᠠᠰᠤᠲᠠᠢ ᠬᠦᠮᠦᠨ ᠤ ᠳᠡᠷᠭᠡᠳᠡ᠂ ᠨᠠᠶᠢᠷ ᠬᠤᠷᠢᠮ ᠳᠡᠭᠡᠷᠡ ᠳᠡᠪᠡᠯ ᠳᠡᠷᠯᠢᠭ ᠤᠨ ᠡᠩᠭᠡᠷ ᠵᠠᠭᠠᠮᠠ ᠪᠠᠨ | ᠵᠠᠳᠠᠭᠠᠢ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠳᠡᠪᠡᠯ ᠲᠡᠷᠯᠢᠭ ᠣᠶᠤᠬᠤ ᠳᠠᠭᠠᠨ ᠤᠳᠠᠰᠤᠨ ᠤ ᠣᠴᠢᠭ ᠦᠯᠡᠳᠡᠭᠡᠬᠦ ᠶᠢ ᠴᠡᠭᠡᠷᠯᠡᠵᠦ᠂ ᠬᠠᠪᠠᠭᠠᠰᠤ ᠦᠭᠡᠢ ᠬᠤᠪᠴᠠᠰᠤ | ᠡᠮᠦᠰᠬᠦ ᠶᠢ ᠶᠡᠬᠡᠳᠡ ᠴᠡᠭᠡᠷᠯᠡᠨᠡ᠃ | ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠠᠨᠴᠤᠢ ᠶᠢ ᠠᠷᠤᠨᠰᠢ ᠪᠠᠨ ᠡᠷᠬᠢᠭᠦᠯᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠪᠦᠰᠡ ᠶᠢ ᠬᠦᠮᠦᠨ ᠤ ᠰᠦᠨᠡᠰᠦ ᠪᠠᠶᠢᠭᠠ ᠡᠳ᠋ ᠭᠡᠵᠦ ᠣᠨᠴᠠ | ᠬᠦᠨᠳᠦᠯᠡᠨᠡ᠃ ᠪᠦᠰᠡ ᠳᠡᠭᠡᠷᠡ ᠠᠯᠬᠤᠵᠤ ᠭᠠᠷᠬᠤ᠂ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠪᠦᠰᠡ ᠪᠠᠨ ᠲᠠᠶᠢᠯᠵᠤ ᠭᠤᠷᠪᠠ ᠨᠤᠭᠤᠯᠤᠭᠠᠳ ᠳᠡᠷᠡ ᠳᠡᠭᠡᠷᠡ ᠪᠠᠨ ᠲᠠᠯᠪᠢᠨᠠ᠂ ᠤᠨᠲᠠᠬᠤ ᠳᠠᠭᠠᠨ ᠭᠤᠭᠴᠤᠭᠠ ᠭᠠᠷᠭᠠᠨ ᠵᠠᠩᠭᠢᠳᠴᠤ ᠳᠡᠷᠡ | ᠳᠤᠤᠷᠠ ᠪᠠᠨ ᠬᠢᠵᠦ ᠤᠨᠲᠠᠨᠠ᠃ | |